Yaponiyanın Noto yarımadası yaxınlığında baş verən silsilə güclü zəlzələlər nəticəsində ölənlərin sayı 202 nəfərə çatıb.
“Kiodo” xəbər verir ki, bu barədə İsikava prefekturasının rəsmi qurumları məlumat yayıb.
Bildirilib ki, yeraltı təkanlar nəticəsində 32 mindən çox evə elektrik enerjisinin verilməsi və sürət qatarlarının hərəkəti dayandırılıb.
**09:56
Yanvarın 1-də Yaponiyanın İşikava prefekturasının Noto yarımadası yaxınlığında baş vermiş zəlzələ nəticəsində ölənlərin sayı 180 nəfərə çatıb.
Senzor.az yerli KİV-ə istinadən bildirir ki, məlumatı İşikava prefekturasının regional hakimiyyət orqanları yayıb.
Qeyd olunub ki, zəlzələ nəticəsində azı 565 nəfər müxtəlif dərəcəli bədən xəsarətləri alıb, ən azı 120 nəfər itkin düşüb.
Bildirilir ki, zəlzələdən zərərçəkmiş ərazilərdən təxliyə olunan 28 minə yaxın sakin təxliyə məntəqələrində qalmaqda davam edir.
