Müharibə göstərdi ki, Ukrayna NATO-ya üzvlüyə tam hazırdır.
“Ukrinform” xəbər verir ki, bunu Ukrayna Prezidenti Volodimir Zelenski Tallində estoniyalı həmkarı Alar Karislə birlikdə keçirdiyi mətbuat konfransında deyib.
O bildirib ki, ordunun səviyyəsi və Ukrayna vətəndaşlarının Alyansa üzvlük istəyi də bunu göstərir: “Biz təkcə nəzəri deyil, həm də praktikası olan orduya malikik. Ordumuz müharibə zamanı NATO silahlarından təkcə hərbi təlimlərdə deyil, həm də döyüş meydanında istifadə etdi”.
V.Zelenskinin sözlərinə görə, hətta müharibə dövründə də Ukrayna bütün zəruri islahatları həyata keçirir. Ukrayna xalqına gəlincə, təxminən 90% NATO üzvlüyünü dəstəkləyir.
Prezident Kiyevin NATO-ya üzvlüyünün həm Ukrayna, həm Baltikyanı ölkələr, həm də Polşa üçün təhlükəsizliyin ən yaxşı təminatı olacağını vurğulayıb.
**15:00
Ukrayna Prezidenti Vladimir Zelenski bildirib ki, Ukraynanın hazırkı vəziyyətdə atəşkəsə razılaşması Rusiyaya yenidən özünü toparlamaq, bölmələrini gücləndirmək və təkrar hücumdan əvvəl ehtiyatlarını artırmaq şansı verəcək.
"ERR.ee" xəbər verir ki, bu barədə Ukrayna dövlət başçısı Tallində estoniyalı həmkarı Alar Karrislə birgə keçirdiyi mətbuat konfransında deyib.
Estoniyalı jurnalistin atəşkəslə bağlı sualını cavablandıran Prezident Zelenski: "Ukraynada atəşkəsdən danışsaq, bu, sülh olmayacaq. Bu, müharibənin dayanacağı demək deyil. Bu, həm də siyasi dialoqa imkan verməyəcək", - deyə bildirib.
Zelenski Rusiyanın döyüş sursatları və dron ehtiyatlarının tükəndiyini, çoxlu əsgər və bütöv birliklər itirdiyini bildirib: "Onlar çox sayda təcrübəli əsgərlərini – Çeçenistanda və Suriyada döyüşən əsgərləri itiriblər, “Vaqner” muzdlu dəstəsi də məhv edilib".
Ukrayna Prezidenti bildirib ki, indi Rusiya orduya daha çox məhbusların cəlb edilməsi də daxil olmaqla, islahatlar aparmağa çalışır.
"Onların İrandan "Şahed" dronları almağa çalışmaları təsadüfi deyil və Şimali Koreya da daxil olmaqla bəzi ölkələrlə hərbi sursatların tədarükü üçün danışıqlar aparırlar", - Zelenski qeyd edib.
"Niyə belə edirlər? Davam edə bilmədiklərinə görə, anbarları boşalır. Ancaq döyüşlərdə fasilə olarsa və Rusiyaya iki-üç il vaxt verilərsə, onlar öz güclərini bərpa edə və döyüş meydanında üstünlüyü təmin edə bilərlər”, - deyə Zelenski qeyd edib.
Ukrayna lideri onu da bildirib ki, Rusiya əhalisi hələ də müharibəni dəstəkləsə də, sürətlə olmasa da, sanksiyalar öz təsirini göstərdiyindən onun təsirləri xalqa çatmağa başlayıb.
"Ukrayna atəşkəslə bağlı istənilən qərarı yalnız öz maraqlarına əsaslanaraq qəbul edəcək", - Zelenski vurğulayıb.
**13:10
Ukrayna Prezidenti Volodimir Zelenski Tallində estoniyalı həmkarı Alar Karis ilə görüşüb.
“RBC-Ukraina” xəbər verir ki, bu barədə Estoniya Prezidenti “X” sosial şəbəkəsində yazıb.
“Bizim möhkəm dostluğumuz ümumi dəyərlərə, səy göstərdiyimiz ideallara - demokratiya və azadlıqlara əsaslanır”, - o yazıb.
**11:12
Ukrayna Prezidenti Volodimir Zelenski Estoniyanın paytaxtı Tallinə səfər edib.
Bu barədə Estoniya Prezidenti Alar Karisin mətbuat xidməti məlumat yayıb.
Bildirilib ki, Ukrayna dövlət başçısı Estoniya Prezidenti Alar Karis, parlamentin spikeri Lauri Hussar və Baş nazir Kaey Kallas ilə görüşəcək: “V.Zelenski parlamentdə də çıxış edəcək. Görüşlərdə Rusiya ilə müharibə, Ukraynaya uzunmüddətli, daimi və effektiv dəstək müzakirə olunacaq”.
