Rusiya mülki təyyarələrə Yəmənin hava məkanından uçuşları üçün istifadəni qadağan edib.
Bu barədə teleqramda Rusiya Federasiyasının Federal Hava Nəqliyyatı Agentliyinin mətbuat xidməti məlumat yayıb. Qadağanın tranzit hava nəqliyyatına da şamil edildiyi hələ məlum deyil.
Bu qərar Yaxın Şərq ölkəsində təhlükəsizlik riskləri yaradan hadisələrlə əlaqədar qəbul edilib.
Qeyd edək ki , ABŞ və Britaniya qüvvələri Yəmənin Səna, Səada, Hudeyda, Taiz və Dhamar da daxil olmaqla bir sıra şəhərlərində “Ənsar Allah” hədəflərinə təyyarə, gəmi və sualtı qayıqlardan istifadə edərək zərbələr endirib.
Qəzza zolağında Fələstin-İsrail qarşıdurmasının şiddətlənməsindən sonra husilər İsrail ərazisinə hücumlar edəcəklərini və gəmilərin Qırmızı dəniz və Bab əl-Məndəb boğazından keçməsinə icazə verməyəcəklərini bildiriblər.
