Pakistanın Milli Təhlükəsizlik Komitəsi İranla diplomatik münasibətləri tam bərpa etmək qərarına gəlib.
Bu barədə “Reuters” agentliyi məlumat yayıb.
Məlumata görə, bu qərardan sonra daha əvvəl geri çağırılmış səfirlər Rza Əmiri Müqəddəm və Məhəmməd Mudasir Tipu uyğun olaraq İslamabad və Tehrana qayıdacaqlar.
Senzor.az xatırladır ki, 16 yanvarda İran Pakistanda müəyyən mövqelərə raket zərbələri endirib. Nəticədə 2 uşaq ölüb, 3 nəfər yaralanıb. Bunun ardınca Pakistan hökuməti İrandakı səfirini geri çağırıb və İran səfirindən Pakistana səfər etməməsini istəyib. İki ölkə arasında bütün tədbirlərin keçirilməsi dayandırılıb.
Onu da əlavə edək ki, 18 yanvarda Pakistan İrana müəyyən mövqelərə hücum edib. Nəticədə 10 nəfər həlak olub.
