Minlərlə israilli şənbə günü axşam Knessetin (parlamentin) buraxılması və ölkədə növbədənkənar parlament seçkilərinin keçirilməsi tələbi ilə etiraz aksiyası keçirib. 

Senzor.az bildirir i, bu barədə “Haaretz” qəzeti məlumat yayıb.

Bu aksiyalar İsrailin müxtəlif şəhərlərində Qəzza zolağında saxlanılan girovlara dəstək məqsədilə keçirilən həftəlik şənbə aksiyalarından sonra baş verib. 

Hökumətin əleyhdarlarının əksəriyyəti müxalifət əhval-ruhiyyəsinin xüsusilə güclü olduğu Təl-Əvivdə aksiyalara toplaşıb. Etirazçıların fikrincə, Qəzza zolağında uzun sürən hərbi əməliyyatlar və fələstinli radikallar tərəfindən orada saxlanılan girovları anklavdan xilas etmək üçün uğursuz cəhdlər fonunda hazırkı Nazirlər Kabineti üzərinə düşən vəzifələrin öhdəsindən gələ bilmir.

Nəşr bildirir ki, həmçinin Qüdsdə yüzlərlə nümayişçi baş nazir Benyamin Netanyahunun iqamətgahı yaxınlığında toplaşaraq, hökumətin istefasını və erkən seçkilərin keçirilməsini tələb edib. Eyni tələb Hayfada minə yaxın etirazçının qatıldığı aksiyada da səslənib.

Senzor.az