Moldova Baş nazirinin müavini və xarici işlər naziri Niku Popesku istefa verib.
Bu barədə TASS xəbər verir.
“Ölkə Prezidenti Mayya Sandu tərəfindən qarşıya qoyulan xarici siyasət məqsədlərini uğurla yerinə yetirdikdən sonra Baş nazirin müavini və xarici işlər naziri vəzifələrindən istefa verirəm. İndiki mərhələdə mənə fasilə lazımdır”, - Niku Popesku bildirib.
Onun sözlərinə görə, vəzifədən getdikdən sonra hökumətə və onun komandasına Avropaya inteqrasiya prosesində dəstəyini davam etdirəcək.
