İslamabadda İranın xarici işlər naziri Hüseyn Əmir Abdullahianla pakistanlı həmkarı Cəlil Abbas Cilani arasında görüş başlayıb.
Bu barədə Pakistan Xarici İşlər Nazirliyi məlumat yayıb.
Bildirilib ki, müzakirələrin əsas istiqaməti tərəflər arasında dialoqu gücləndirməkdir.
**10:58
İranın xarici işlər naziri Hüseyn Əmir Abdullahian Pakistana gedib.
Senzor.az yerli KİV-ə istinadən bildirir ki, səfər Pakistanın xarici işlər naziri vəzifəsini icra edən Cəlil Abbas Cilaninin dəvəti ilə baş tutub. İranlı nazir həm həmkarı, həm də Pakistanın müvəqqəti hökumətinin Baş naziri Ənvar-ul-Haq Kakar ilə görüşəcək.
Danışıqların əsas mövzusu İran Silahlı Qüvvələrinin yanvarın 16-da Pakistan ərazisindəki “Ceyş əl-Ədl” qruplaşmasının iki qərargahına hücumu nəticəsində ölkələr arasında münasibətlərdə yaranmış gərginliyin azaldılmasıdır.
Son məlumata görə, İslamabadda İranın xarici işlər naziri Hüseyn Əmir Abdullahianla pakistanlı həmkarı Cəlil Abbas Cilani arasında görüş artıq başlayıb.
