Avropa İttifaqı (Aİ) ölkələri ən azı 10 il ABŞ-ın köməyi olmadan öz müdafiə imkanlarını təmin edə bilməyəcəklər.
“Bloomberg” agentliyinin adı açıqlanmayan avropalı diplomata istinadla yaydığı məlumatda belə deyilir.
Nəşr yazıb ki, Avropa ölkələri indi hücuma məruz qalsalar, onlar bir neçə cəbhədə ABŞ-dan asılı olacaqlar. Bunlara hava və raket hücumundan müdafiə, uzaqmənzilli raketlər və müharibə ilə mübarizə üçün lazım olan qabaqcıl kompüter sistemləri daxildir.
Adının çəkilməsini istəməyən həmin avropalı diplomatın fikrincə, ən pis ssenari bir sıra hadisələr - Aİ ölkələrinin müdafiəyə investisiyaları artırmaması, Vaşinqtonun Ukraynaya yardımını dayandırması, Donald Trampın prezident seçkilərində qələbəsi və ABŞ-ın NATO-dan çıxması nəticəsində yarana bilər.
