Ermənistanın baş naziri Nikol Paşinyan sabah Parisə səfərə gedəcək.
Senzor.az xarici KİV-ə istinadən bildirir ki, Paşinyan Fransa Müqavimət hərəkatının erməni əsilli döyüşçüsü Misak Manuşyan və arvadı Melinin təkrar dəfn mərasimində iştirak edəcək.
Manuşyan vaxtilə İvri-sür-Seyn şəhərinin qəbiristanlığında dəfn edilib. Onun həyat yoldaşı və 1989-cu ildə dünyasını dəyişən döyüş yoldaşı Meline Manuşyan da onunla birlikdə Panteonda dəfn olunacaq.
Fransa televiziya kanalları ilə canlı yayımlanacaq mərasimə 1200-ə yaxın insan - jurnalistlər, elm adamları və dövlət rəsmiləri dəvət olunub.
Məlumatda o da vurğulanıb ki, Emmanuel Makron Paşinyanı Fransaya hələ ötən ilin iyulunda dəvət etmişdi. Amma hələlik səfərlə bağlı rəsmi açıqlama yoxdur.
