Ukrayna və Danimarka arasında təhlükəsizlik sazişi bağlanıb.
Yerli KİV xəbər verir ki, sənədi Ukrayna Prezidenti Volodimir Zelenski və Danimarkanın Baş naziri Mette Frederiksen imzalayıb.
Bildirilib ki, Kopenhagen Kiyevə qırıcı təyyarələrin, döyüş sursatlarının, təlimçilərin göndərilməsini dəstəkləyəcək. 2024-cü ildə Danimarkanın hərbi dəstəyi azı 1,8 milyard avro olacaq.
Danimarka “Böyük Yeddilik” qrupundan kənarda Ukrayna ilə bu sazişi bağlayan ilk ölkədir.
Qeyd edək ki, fevralın 22-də Danimarka Ukraynaya yeni hərbi yardım paketini elan etmişdi.
**15:37
Ukrayna Prezidenti Vladimir Zelenski Lvov şəhərində Danimarkanın Baş naziri Mette Frederiksenlə görüşüb.
Bu barədə Ukrayna Prezident Ofisinin mətbuat xidməti məlumat yayıb.
Onlar Lvovun Lıcakov qəbiristanlığının Mars tarlasındakı memorial qəbiristanlıqda ruslarla döyüşlərdə həlak olan ukraynalı hərbçilərin xatirəsini birlikdə yad ediblər.
