Çində Qazaxıstan və Qırğızıstan sərhədi yaxınlığında 5,7 bal gücündə zəlzələ baş verib.
Senzor.az bildirir ki, bu barədə Avropa-Aralıq dənizi Seysmoloji Mərkəzi məlumat yayıb.
Məlumata görə, yeraltı təkanların episentri təxminən 535 min nəfər əhalisi olan Aksu rayonundan 155 km qərbdə yerləşib.
Tələfat və dağıntılar barədə məlumat yoxdur.
Xatırladaq ki, Çinin Qazaxıstan və Qırğızıstanla sərhədlərində dünən də zəlzələ olmuşdu. Gücü 5,5 bal olan həmin yeraltı təkanın episentri Çinin Aksu yaşayış məntəqəsindən 137 km cənub-qərbdə və Almatıdan 272 km cənub-şərqdə, zəlzələ ocağı isə 7 km dərinlikdə qeydə alınmışdı.
