Rusiyanın Tatarıstan Respublikası ərazisində pilotsuz uçuş aparatlarının (PUA) hücumuna məruz qalan zavodda “Shahed” dronları hazırlanırmış.
Senzor.az bildirir ki, UNIAN-ın yaydığı məlumatda belə deyilir.
Qeyd olunur ki, həmin zavod Ukrayna sərhədindən min kilometr məsafədə yerləşir.
Bildirilib ki, Tatarıstanın “Elaz-Neft məhsulları” Neft-emalı zavoduna və “Alabuqa” xüsusi iqtisadi zonasına iki hücum olub.
“RBK-Ukraina”nın məlumatına görə, Tatarıstan istiqamətində “UJ-22” PUA-sı uçub. O, 2020-ci ildən Ukrayna silah arsenalına daxil edilib və göyərtəsində 20 kiloqrama yaxın partlayıcı daşıyır.
O da vurğulanıb ki, hadisə nəticəsində 6 nəfər xəsarət alıb.
**10:12
Tatarıstan ərazisi Ukrayna PUA-larının hücumuna məruz qalıb.
Senzor.az bildirir ki, bu barədə Tatarıstan rəhbəri Rüstəm Minnixanovun mətbuat xidməti məlumat yayıb.
“Alabuqa” xüsusi iqtisadi zonasında yataqxanaya pilotsuz təyyarənin hücumu nəticəsində iki nəfər yaralanıb”, - məlumatda qeyd olunub.
