ABŞ-ın dövlət katibi Antoni Blinkenin “Boeing 737” təyyarəsi Fransada xarab olub.
Bu barədə “RİA-Novosti” məlumat yayıb.
Bildirilib ki, təyyarədə texniki nasazlıqlar olduğundan ABŞ nümayəndə heyəti Parisdən NATO-nun Brüsseldəki mənzil-qərargahına avtomobillə gedib.
Qeyd edək ki, Fransa və Belçika paytaxtları 190 mil (təxminən 300 km) məsafədədir.
Onu da xatırladaq ki, ABŞ dövlət katibinin təyyarəsində əvvəllər də problemlər yaranıb. Yanvar ayında Blinkenin “Boeing”i Davosdan havaya qalxarkən oksigen sızması aşkar edilib. Nasazlığı təmir etmək mümkün olmadığı üçün təyyarə uçuş üçün təhlükəli elan olunub...
