F-16 qırıcıları Rusiya ilə müharibədə Ukrayna üçün “gümüş güllə” olmayacaq
Xarici KİV xəbər verir ki, bunu F-16 qırıcılarının Rusiya-Ukrayna müharibəsinin gedişinə mümkün təsirini şərh edən NATO-nun baş katibi Yens Stoltenberq deyib.
Baş katibin sözlərinə görə, hər hansı bir sistem müharibənin taleyini təkbaşına həll edə bilməz:
“NATO üzrə müttəfiqlərin Ukraynaya F-16 qırıcıları verərək, həmin təyyarələr üçün silah göndərmələri və pilotlara təlim keçmələri alyansın Ukraynaya hərbi yardımlarının çox mühüm nümunəsidir.
Ancaq heç bir sistem döyüş meydanında situasiyanı təkbaşına dəyişə bilməz. F-16-lar müharibənin gedişini müəyyənləşdirəcək "gümüş güllə” deyil. Bununla belə, F-16-ların əldə olunması Rusiyanın hücumlarını dəf etmək baxımından Ukrayna ordusunun imkanlarını artıracaq”.
