BMT Təhlükəsizlik Şurası (TŞ) aprelin 8-i bazar ertəsi qapalı iclas keçirəcək.
Bu barədə Maltanın BMT-dəki daimi nümayəndəliyindən məlumat verilib.
Məlumata görə, iclasın mövzusu Fələstinin təşkilata daimi üzv qəbul edilməsi ilə bağlı müraciətinə yenidən baxılması tələbi olacaq.
Qeyd edək ki, Fələstin BMT-də daimi müşahidəçi statusuna malikdir. 2011-ci ildə Fələstin hökuməti təşkilata daimi üzv olmaq üçün müraciət etmişdi, lakin sonradan ölkə bir müddət daimi müşahidəçi kimi qalmağa qərar verdi.
Onu da qeyd edək ki, daimi müşahidəçi statusu olan ölkələr əksər iclaslarda iştirak edə və demək olar bütün müvafiq sənədlərə çıxış əldə edə bilər, lakin səsvermə hüququna malik deyillər.
Yeri gəlmişkən, Fələstindən başqa Vatikan da BMT-də daimi müşahidəçi statusuna malikdir.
