Türkiyə Prezidenti Rəcəb Tayyib Ərdoğan Qətər Əmiri Şeyx Temim bin Hamed Al-Sani ilə telefon danışığı aparıb.

Senzor.az Türkiyə Prezident Administrasiyasının Kommunikasiyalar Müdirliyinə istinadən bildirir ki, söhbətdə Türkiyə-Qətər münasibətləri, qlobal və regional problemlər, İsrailin Qəzzaya hücumları və humanitar vəziyyət müzakirə edilib.

Prezident Ərdoğan deyib ki, İslam dünyası İsrailin vəhşi hücumlarını dayandırmaq və İsrailin insanlığa qarşı törətdiyi cinayətlərə görə cəzalandırılmasını təmin etmək üçün birlik içində səylərini artırmalıdır.

Prezident vurğulayıb ki, İsraili mümkün qədər tez cilovlamaq və bölgədə gərginliyin yayılmasının qarşısını almaq üçün sağlam düşüncə ilə hərəkət etmək çox vacibdir.

Söhbət zamanı Prezident Ərdoğan və Qətər Əmiri Əl-Sani bir-birilərini Ramazan bayramı münasibətilə təbrik ediblər.