NATO Rusiya ərazisindəki hərbi obyektləri Ukraynanın zərbələri üçün qanuni hədəf hesab edir.

Senzor.az Rusiya KİV-ə istinadən bildirir ki, bunu NATO-nun baş katibi Yens Stoltenberq deyib.

O, qeyd edib ki, Ukrayna Rusiya ərazisinə zərbə endirməklə özünümüdafiə hüququndan istifadə edir.

Stoltenberqin fikrincə, Ukraynanın beynəlxalq hüquqa əsasən özünümüdafiə hüququ var, NATO ölkələrinin isə münaqişə tərəfi olmadan Kiyevə “öz hüququnun müdafiəsində kömək etmək” hüququ var.

Baş katib həmçinin Alyans ölkələrini riskə getməyə və hətta öz müdafiəsi üçün lazım olan silahları da Ukraynaya göndərməyə çağırıb.

Stoltenberqin sözlərinə görə, Qərbin bu addımı NATO-nu daha təhlükəsiz edir.