İran Prezidenti İbrahim Rəisi aprelin 22-də Pakistana səfər edəcək.

Senzor.az bildirir ki, bu barədə Pakistanın Xarici İşlər Nazirliyi “X” səhifəsində məlumat yayıb.

Rəisini xarici işlər naziri Hüseyn Əmir Abdullahian və digər hökumət üzvlərinin də daxil olduğu yüksək səviyyəli nümayəndə heyəti, biznes nümayəndələri müşayiət edəcəklər.

İki günlük səfər çərçivəsində İran Prezidenti pakistanlı həmkarı Asif Əli Zərdari və Baş nazir Şahbaz Şəriflə görüşəcək.

Danışıqların əsas mövzusunu Yaxın Şərqdəki son hadisələr və regional təhlükəsizliklə bağlı vəziyyətin müzakirəsi təşkil edəcək. Bundan başqa, ikitərəfli münasibətlər, iki ölkə arasında təhlükəsizlik sahəsində əməkdaşlıq, qaz kəmərinin tikintisi və sərbəst ticarətə dair potensial sazişlər müzakirə olunacaq.