Moldova və Rumıniya hərbçiləri mayın 8-dən 24-dək “Çinnku” hərbi təlim mərkəzində (Rumıniya) “Wind Spring-2024” birgə təlimləri keçirəcək.
TASS xəbər verir ki, bu barədə Moldova Müdafiə Nazirliyinin mətbuat xidməti məlumat yayıb.
Bildirilib ki, bu təlimlər taktiki və əməliyyat bacarıqlarını təkmilləşdirmək, həmçinin iki ölkənin hərbçiləri arasında qarşılıqlı fəaliyyət qabiliyyətini artırmaq məqsədi ilə keçirilir. Təlimlərə Moldova tərəfdən “Ştefan çel Mare” 2-ci mexanikləşdirilmiş piyada briqadasının, Rumıniya tərəfdən isə “General Qriqor Belan” adına 81-ci mexanikləşdirilmiş piyada briqadasının hərbi qulluqçuları cəlb olunacaq.
