Görünür, Çin ABŞ-ın istənilən nöqtəsinə çata bilən nüvə olmayan qitələrarası raket sistemləri inkişaf etdirilməsi ilə məşğuldur.

TASS xəbər verir ki, bunu ABŞ Silahlı Qüvvələri Şimal komandanlığının generalı Qreqori Giyo deyib.

“Müdafiə Nazirliyinin Çinin hərbi tərtibatı ilə bağlı Konqresə təqdim etdiyi illik hesabatda deyilir ki, Çin böyük ehtimalla qeyri-nüvə təchizatlı qitələrarası raket sistemlərinin yaradılması üzərində işləyir ki, bu silahlar Pekinə Alyaska və kontinental ABŞ-dakı hədəflərə nüvə həddini keçmədən zərbə endirməyə imkan verəcək. Bu cür sistemlər, əgər işlək olarsa, gələn raketi müəyyən etmək qabiliyyətimizi çətinləşdirərək və müvafiq cavab tədbirləri ilə bağlı qərar qəbuletmə prosesini mürəkkəbləşdirərək strateji sabitliyi daha da sarsıdacaq”, – general qeyd edib.