ABŞ Dövlət katibi Antoni Blinken Ukraynaya səfərə gəlib.
Senzor.az ABŞ Dövlət Departamentinə istinadən bildirir ki, səfər Vaşinqtonun Kiyevə dəstəyini ifadə etmək və yüksək səviyyəli Ukrayna rəsmiləri ilə görüşmək məqsədilə həyata keçirilir.
Səfər zamanı Dövlət katibinin Prezident Vladimir Zelenski, Baş nazir Denis Şmıqal və xarici işlər naziri Dmitri Kuleba ilə görüşləri nəzərdə tutulub. Görüşlərdə döyüş bölgəsində vəziyyət, ABŞ-ın yeni təhlükəsizlik və iqtisadi yardımının təsirləri, uzunmüddətli təhlükəsizlik və digər öhdəliklər və Ukraynanın iqtisadi bərpasını gücləndirmək məqsədilə görülən işlər müzakirə ediləcək.
O da bildirilir ki, səfər zamanı A.Blinken ölkəsinin Ukraynanın suverenliyinə, ərazi bütövlüyünə və demokratiyasına sadiqliyini bir daha vurğulayacaq.
