ABŞ Prezidenti Co Bayden Vest-Poyntda Hərbi Akademiya məzunları qarşısında çıxış edib.

Senzor.az yerli KİV-ə istinadən bildirir ki, o,  Vaşinqtonun Kiyevi silahla təmin etməkdə davam etdiyini söyləyib. Həmçinin əlavə edib ki, paralel olaraq Ukrayna hərbçilərinə təlim keçilməsi işi də aparılır.

"Ukraynada heç bir ABŞ əsgəri yoxdur və olmayacaq. Ancaq biz Ukraynanın yanındayıq və onu dəstəkləməyə davam edəcəyik. Biz geri çəkilə bilmərik, çəkilməyəcəyik", - ABŞ lideri bəyan edib.

O vurğulayıb ki, Putin NATO-nun parçalanacağına əmin idi.

Bayden iddia edib ki, "bu gün dünya tarixindəki ən böyük müdafiə ittifaqı həmişəkindən daha güclüdür".