Gürcüstanın eks-prezidenti Mixail Saakaşvilinin Tbilisidə,  Kaxeti şosesində yerləşən "Vahid Milli Hərəkat" partiyasının mərkəzi ofisinə hücum edilib.

Senzor.az yerli KİV-ə istinadən bildirir ki, bu barədə partiya bəyanat yayıb.

Bəyanatda qeyd edilib ki, hücumda 100-ə yaxın adam iştirak edib: “Hücum yarım saatdan çox davam edib. Ofisin fasadı zədələnib, pəncərələri sındırılıb, avadanlıqlar ziyan görüb".

"Bu, Gürcüstanın maraqlarını qoruduğuna və gürcü xalqının yanında olduğuna görə “Vahid Milli Hərəkat”a hakimiyyətin cavabıdır", - deyə bəyanatda vurğulanıb.

Partiyanın sədri Levan Xabeişvili Facebook-da canlı yayımda bildirib ki, hücum zamanı ofis işçiləri, o cümlədən özü və azyaşlı oğlu iş yerində olub.

Senzor.az