İranın keçmiş deputatı Zöhre Elahian şənbə günü İslam Respublikasında iyunun 28-də keçiriləcək prezident seçkilərində mümkün namizəd kimi qeydə alınıb.
Senzor.az yerli KİV-ə istinadən bildirir ki, Elahian İranın 11-ci parlamentinin üzvü kimi fəaliyyət göstərib.
“Mənim hökumətimin şüarı - sağlam hökumət, sağlam iqtisadiyyat və sağlam cəmiyyətdir”, - İlahian bildirib.
Bu gün, həmçinin İranın digər siyasətçiləri - Məsud Pezeşkian, Əlirza Zakani, Seyid Əhməd Rəsulinəjad, Həbibullah Dəhmərdə, Seyid Məhəmməd-Rza Mirtajodini, Fəda-Hüseyn Maleki və Vahid Haqanyan da İslam Respublikasında keçiriləcək prezident seçkilərində mümkün namizəd kimi qeydə alınıblar.
Xatırladaq ki, İranda prezident seçkilərinin 14-cü turu üçün qeydiyyat prosesi mayın 30-da başlayıb.
Senzor.az
