Hələ seçki məntəqələri açılmamışdan əvvəl (İranda prezident seçkilərinin birinci turu 28 iyunda keçirilib – red.) İran ordusunun əsgərləri prezident seçkiləri zamanı terror aktları hazırlayan terrorçuları saxlayıblar.

Senzor.az yerli KİV-ə istinadən bildirir ki, bu barədə İran daxili işlər nazirinin müavini Məcid Mirəhmədi məlumat verib.

"Terror aktları hazırlayan terrorçular ölkəyə seçkilərdən əvvəl daxil olublar. Onlar hərbi qulluqçular tərəfindən saxlanılıb və terror hərəkatı tam məğlubiyyətə uğrayıb", - o bildirib.

Nazir müavininin sözlərinə görə, cinayətkarlar dövlətdə qeyri-sabitlik mühiti yaratmaq və insanları seçki məntəqələrinə getməkdən çəkindirmək üçün terror əməliyyatları təşkil etməyi planlaşdırıblar.

Qeyd edək ki, İranda 28 iyunda prezident seçkiləri keçirilib. Seçkidə qalib müəyyənləşmədiyindən 5 iyunda ikinci tur keçiriləcək. İkinci turda birinci turun lideri, azərbaycanlı namizəd Məsud Pezeşkian və Səid Cəlili mübarizə aparacaqlar.