Ukraynada səfərdə olan Macarıstanın Baş naziri Viktor Orban Prezident Vladimir Zelenskidən sülh danışıqları öncəsində atəşkəs variantını nəzərdən keçirməyi xahiş edib.
“Rzn.info”un xəbərinə görə, Orban bu məsələnin danışıqları sürətləndirəcəyini ehtimal etdiyini bildirib.
Macarıstanın Baş naziri Zelenski ilə yanaşı, bir sıra yüksək səviyyəli hökumət rəsmiləri ilə görüşəcək.
Qeyd edək ki, Macarıstan iyulun 1-dən 6 ay müddətinə Avropa İttifaqı Şurasına sədrliyi Belçikadan təhvil alıb.
**11:15
Macarıstanın Baş naziri Viktor Orban 2012-ci ildən sonra ilk dəfə bu gün səhər saatlarında Kiyevə gedib.
“Ukrainskaya Pravda“nın xəbərinə görə, o, ilk olaraq ölkəsinin Ukrayna paytaxtındakı səfirliyinə baş çəkib.
Səfər zamanı Baş nazirin Prezident Vladimir Zelenski, eləcə də yüksək səviyyəli hökumət rəsmiləri ilə görüşləri nəzərdə tutulub.
Onlar arasındakı sonuncu görüş ötən həftənin son günlərində Avropa İttifaqının Brüssel sammiti çərçivəsində baş tutub.
Qeyd edək ki, Macarıstan iyulun 1-dən 6 ay müddətinə Avropa İttifaqı Şurasına sədrliyi Belçikadan təhvil alıb.
