Şanxay Əməkdaşlıq Təşkilatının Astana sammiti çərçivəsində bir sıra sənədlərin imzalanması mərasimi keçirilib.
Yerli KİV-in xəbərinə görə, Astana Bəyannaməsi ilə yanaşı, ümumilikdə 20 sənəd imzalanıb.
Eyni zamanda, Şanxay Əməkdaşlıq Təşkilatının yeni Baş katibi təyin olunub.
Nurlan Yermekbayev bu vəzifədə 2021-ci ilin yanvarın 1-dən çalışmış Çjan Mini əvəzləyib.
**12:27
Şanxay Əməkdaşlıq Təşkilatına (ŞƏT) üzv ölkələrin liderləri birlik haqqında Astana Bəyannaməsini imzalayıblar.
Bu barədə Qazaxıstan KİV-ləri məlumat yayıb.
**10:12
Astanada Qazaxıstanın sədrliyi ilə Şanxay Əməkdaşlıq Təşkilatına (ŞƏT) üzv ölkələrin Dövlət Başçıları Şurasının iclası başlayıb.
Senzor.az yerli KİV-ə istinadən bildirir ki, sammit ilk dəfədir “ŞƏT+” formatında keçirilir.
İclasda Qazaxıstan, Rusiya, Azərbaycan, Çin, Qırğızıstan, Pakistan, Hindistan, İran, Tacikistan, Özbəkistan, Belarus, Monqolustan, Qətər, Birləşmiş Ərəb Əmirlikləri, Türkiyə və Türkmənistanın dövlət başçıları və hökumət üzvləri iştirak edirlər. Tədbirə BMT-nin baş katibi Antonio Quterreş və bir sıra digər beynəlxalq qurumların başçıları da qatılıb.
Sammit iştirakçıları 24 birgə sənəd paketi imzalamağı, həmçinin birlik iştirakçılarının mehriban qonşuluq və birlik prinsiplərinə sadiqliyini təsdiqləyən yekun bəyannamə və bəyanat qəbul etməyi planlaşdırırlar.
