Britaniyanın yeni Baş naziri Keir Starmer kabinetinə nazirlər təyin edib.
Senzor.az bildirir ki, bu gün o, Kral Çarlzla görüşdükdən sonra rəsmi olaraq Baş nazir vəzifəsinin icrasına başlayıb.
Baş nazirliyin ofisi olan “10 Downing Street” önündə çıxış etdikdən sonra Keir Starmer kabinetini qurmağa başlayıb.
Yeni təyinatlara əsasən Ancela Reyner Baş nazirin müavini, İvett Kuper daxili işlər naziri, Devid Lemmi isə xarici işlər naziri təyin olunub. Bundan əlavə Ed Milibend enerji naziri, Con Hili müdafiə naziri, Reyçl Rivz isə maliyyə naziri təyin olunub.
Bununla da Reyçl Rivz Britaniyanın ilk qadın maliyyə naziri olub.
**19:30
Böyük Britaniyanın yeni xarici işlər və müdafiə nazirləri təyin olunub.
APA-nın məlumatına görə, bu barədə qərarı baş nazir Kir Starmer imzalayıb.
Qərarda göstərilib ki, xarici işlər naziri vəzifəsinə Devid Lemmi, müdafiə naziri postuna isə Con Hili gətirilib.
Bundan əlavə, yeni hökumətdə daxili işlər naziri vəzifəsini İvett Kuper, maliyyə naziri postunu isə Reyçl Rivz tutacaq.
