Slovakiyanın Baş naziri Robert Fitso sui-qəsd cəhdindən sonra öz vəzifəsinə qayıdıb.
Gazeta.ru-nun məlumata görə, Baş nazir Trnava şəhəri yaxınlığındakı Slovenska-Nova-Ves kəndində yerləşən "Aqro Voderadi" kənd təsərrüfatı birliyinə baş çəkib, məhsul yığımının gedişi ilə tanış olub.
"İqlim dəyişikliyi reallıq kimi qəbul edilməlidir. Bunu respublikada məhsul yığımına erkən başlanması sübut edir", - deyə Fitso bildirib.
Bundan başqa, iyulun 5-də Slovakiyanın Baş naziri müqəddəs Kiril və Mefodiya Günündə Bratislavadakı Devin qəsrini ziyarət edib və nitq söyləyib.
Qeyd edək ki, Baş nazir Robert Fitso mayın 15-də Slovakiyada hökumətin səyyar iclasının keçirildiyi binada atışma zamanı yaralanmışdı.
