ABŞ-ın sabiq Prezidenti Donald Tramp Ukrayna Prezidenti Volodimir Zelenski ilə telefon danışığı zamanı onu tezliklə sülhə nail olmağa çağırıb.

Tramp bu barədə Fox News-a telefon söhbətinin təfərrüatlarını açıqlayarkən danışıb.

“Mən dedim ki, biz bu hərbi münaqişəyə son qoymalıyıq. Bu döyüş maşınıdır. Qarşınızda hərbi maşın var. Onların etdikləri budur. Onlar müharibə edirlər. Onlar Hitlerə qalib gəldilər. Onlar Napoleonu məğlub etdilər” deyən eks-prezident “ruslar haqqında danışdığını” vurğulayıb.

Trampın sözlərinə görə, o Ukraynadakı döyüşləri baş verməməli olan qarışıqlıq adlandırıb.

Qeyd edək ki, iyulun 20-də Zelenski Trampla telefon danışığı apardığını və amerikalı siyasətçi ilə şəxsi görüş barədə razılığa gəldiyini açıqlamışdı