Türkiyə Prezidenti Rəcəb Tayyib Ərdoğan Rizədə keçirilən Qeyri-Hökumət Təşkilatları və Sektor Nümayəndələrinin Toplantısında çıxış edib.
Senzor.az yerli KİV-ə istinadən bildirir ki, Ərdoğan çıxışı zamanı Fələstin prezidenti Mahmud Abbasın ünvanına da tənqidi fikirlər səsləndirib.
“Bəzi siyasi partiyalar “Hökumət Fələstin prezidentini Türkiyəyə dəvət etməli və parlamentdə danışdırmalıdır” deyir. Kim deyir ki, dəvət etməmişik? Dəvət etdiyimiz halda gəlməyən möhtərəm Abbasdır. Əvvəlcə bizdən üzr istəməlidir. Dəvət etmişik, amma gözləyirik, görək gələ biləcəkmi", - deyə Ərdoğan bildirib.
Ərdoğanın sözlərinə görə, Türkiyə parlamenti Abbası ABŞ Konqresində İsrailin baş naziri Netanyahu ilə eyni vaxtda danışmağa da dəvət edib, lakin Fələstin tərəfi bu təklifə də dəqiq cavab verməyib.
