İsrail təyyarələri Livanın paytaxtı Beyrutun cənubunda Hizbullahın obyektlərinə 4 raket zərbəsi endirib.

Bu barədə TASS məlumat yayıb.

Bildirilib ki, raketlərdən biri Hizbullahın qərargahından 100 metr aralıda yerləşən Bahman xəstəxanasına düşüb: “Raketlərin düşdüyü yerdə bir neçə ev dağılıb, park edilmiş avtomobillərə ziyan dəyib”.

İsrail ordusundan bildirilib ki, hücumun hədəfi Hizbullahın Məcdəl Şəms kəndinə qanlı hücumuna görə məsuliyyət daşıyan komandirlərindən biri olub.

Yerli mənbələr isə, hücum zamanı Hizbullahın iki komandirinin öldüyünü bildirirlər.