ABŞ Prezidenti Co Bayden və İsrailin Baş naziri Binyamin Netanyahu cümə axşamı telefonla danışıblar. Onlar yəhudi dövlətinin müdafiəsini gücləndirmək, o cümlədən ABŞ qoşunlarının yerləşdirilməsi üzrə tədbirləri müzakirə ediblər.

Senzor.az bildirir ki, Ağ Evin mətbuat xidmətinin yaydığı xəbərdə belə deyilir.

“Prezident İrandan gələn bütün təhdidlərə, o cümlədən HƏMAS və “Hizbullah” terror qruplarına, eləcə də Husilərə qarşı İsrailin təhlükəsizlik öhdəliyini bir daha təsdiqlədi”, - xəbərdə vurğulanıb.

"Prezident İsrailin müdafiəsini təhdidlərdən, o cümlədən ballistik raketlərdən və pilotsuz təyyarələrdən, eləcə də ABŞ qoşunlarının müdafiə üçün yerləşdirilməsini gücləndirmək səylərini müzakirə etdi", - xəbərdə əlavə olunub.

Bayden bölgədə gərginliyi azaltmaq üçün davamlı səylərin vacibliyini vurğulayıb.

Mətbuat xidməti qeyd edib ki, telefon danışığına ABŞ-ın vitse-prezidenti Kamala Harris də qoşulub.