İsrail aviasiyası Qəzza zolağında Fələstinin radikal “HƏMAS” hərəkatının silahlı qanadının üzvlərinin gizləndiyi iki məktəbin ərazilərinə zərbələr endirib.
Bu barədə TASS xəbər yayıb.
Qeyd olunub ki, İsrailin təhlükəsizlik qüvvələri kəşfiyyat məlumatlarına əsaslanaraq Qəzza şəhərində Həsən Salameh və Nasser məktəblərində fəaliyyət göstərən “HƏMAS”ın komandanlıq mərkəzlərinə aviazərbələr endirib.
Həmin mərkəzlərdə terrorçuların olduğu iddia olunur.
Təhsil müəssisələrinin binaları Əl-Furqan batalyonundan olan radikallar tərəfindən qərargah kimi istifadə olunurmuş. İsrailin Müdafiə Nazirliyi qeyd edib ki, hücumdan əvvəl mülki şəxslərə dəyən zərərin azaldılması üçün tədbirlər görülüb.
“Əl-Cəzirə” kanalı bildirib ki, İsrailin Qəzzada məktəb ərazisinə endirdiyi zərbələr nəticəsində azı 30 nəfər həlak olub.
