Qətərin Baş naziri, həmçinin xarici işlər naziri Məhəmməd bin Əbdürrəhman bin Casim Al Saninin yaxın günlərdə İrana səfəri gözlənilir.

İranın yarırəsmi "Tasnim" xəbər agentliyinin məlumatına görə, onun İran hökumət nümayəndələri ilə görüşlərində ikitərəfli və regional məsələlər ətrafında müzakirələr aparılacaq. Eyni zamanda, İsrail-HƏMAS arasında atəşkəs danışıqlarının cari vəziyyəti qiymətləndiriləcək.

Yeri gəlmişkən, Qətər İsrail və HƏMAS müharibəsinin həllində vasitəçi rolu oynayaraq, danışıqlarda rəhbər mövqe tutur. İyulda Tehranda sui-qəsd nəticəsində qətlə yetirilən HƏMAS lideri İsmayıl Haniyə də məhz Qətərin paytaxtı Doha şəhərində torpağa tapşırılıb.