İraq və İran arasındakı Pərvizxan sərhəd keçid məntəqəsində yanğın baş verib.

Senzor.az xarici KİV-ə istinadən bildirir ki, dünən gündüz baş verən hadisə zamanı yanğın yaxınlıqda olan yanacaq daşıyan tankerlərə sıçrayıb. Tankerlər partlayıb və onlardan 11-i yararsız hala düşüb.

Məlumata görə, hadisə nəticəsində 1 nəfər ölüb, 8 nəfər yaralanıb.

Hadisə yerinə çoxlu sayda yanğınsöndürmə briqadası göndərilib.

Yanğının gecə söndürüldüyü və  hazırda vəziyyətin nəzarət altında olduğu bildirilir.