“Monqolustan Beynəlxalq Cinayət Məhkəməsinin (BCM) yurisdiksiyasını tanıyır və buna görə də Rusiya Prezidenti Vladimir Putinin həbsinə dair orderi icra etməyə borcludur”.
Senzor.az yerli KİV-ə istinadən bildirir ki, Ukrayna Xarici İşlər Nazirliyinın (XİN) yaydığı məlumatda belə deyilir.
“Putin və Rusiya Federasiyasının digər hərbi-siyasi rəhbərliyi ədalət qarşısında cavab verməlidir”, - deyə Ukrayna XİN-in bəyanatında bildirilir.
Qeyd edək ki, Rusiya Prezidenti sentyabrın 3-də Monqolustana rəsmi səfər edəcək. Bu, onun Haaqada BCM-in Roma Əsasnaməsini imzalamış ölkəyə ilk səfəri olacaq.
Xatırladaq ki, 2023-cü ilin martında BCM Putinin həbsinə order verib. Bu sənədə əsasən Putin Monqolustana səfəri zamanı həbs edilməlidir.
