Livanda peycer və simsiz rabitə cihazlarının partlaması nəticəsində ümumilikdə 879 nəfər həlak olub, onlardan 131-i iranlı, 79-u yəmənli və 291-i “Hizbullah”ın yüksək rütbəli üzvləridir.

Bu barədə sosial media platformalarında iddia olunub.

Bildirilib ki, bu, “Hizbullah”ın hazırladığı daxili sənədlərin İsrailin hərbi kəşfiyyatı tərəfindən ələ keçirilməsindən sonra məlum olub.

Qeyd edək ki, Ali Mədəni İnqilab Şurasının katibi Əbdülhüseyn Xostopənah Livanda baş verən partlayışlarda bir neçə iranlının öldüyünü və yaralandığını bildirib.

Axar.az xatırladır ki, sentyabrın 17 və 18-də Livanda kibermüdaxilə nəticəsində müxtəlif rabitə qurğularında baş vermiş partlayışlarda, rəsmi məlumata görə, azı 32 nəfər ölüb, 4,5 mindən çox insan yaralanıb.