İranın şərqindəki Cənubi Xorasan ostanının Təbəs şəhərində kömür mədənində baş vermiş partlayış nəticəsində ölənlərin sayı 50 nəfəri ötüb.

Bu barədə İranın “Mehr” agentliyi məlumat yayıb.

“Təbəsdəki şaxtada baş vermiş insident nəticəsində ölənlərin sayı 51 nəfərə çatıb, daha 20 nəfər yaralanıb”, - agentlik bildirib.

Qeyd olunub ki, hadisə yerində xilasetmə işləri davam edir.

**10:18

İranın şərqindəki Cənubi Xorasan əyalətinin Təbəs şəhərində kömür mədənində partlayış baş verib.

Senzor.az yerli KİV-ə istinadən bildirir ki, bu barədə regionun Böhranla mübarizə departamentinin baş direktoru Məhəmməd Əli Axundi məlumat verib.

Onun sözlərinə görə, partlayış zamanı Təbəs kömür mədəninin C və B bloklarında 69 fəhlə işləyirmiş. Partlayışdan sonra yanğın olmayıb.

İlkin versiyaya görə, mədənin 250 m dərinliyində partlayışa səbəb tunellərdə metan qazının cəmləşməsi olub. Hazırda xilasetmə işlərinin hər biri beş nəfərdən ibarət səkkiz ixtisaslaşdırılmış qrup tərəfindən həyata keçirildiyi bildirilir.

Son məlumata görə, hadisə nəticəsində ölənlərin sayı 30 nəfərə çatıb. Amma Cənubi Xorasan vilayətinin qubernatoru Məhəmməd Əli Axundinin sözlərinə görə, hazırkı vəziyyətdə ölənlərin sayının artması ehtimalı var.