Rusiyanın “Sarmat” qitələrarası nüvə ballistik raketi sınaq zamanı şaxtada partlayıb.
Senzor.az yerli KİV-ə istinadən bildirir ki, bu barədə OSİNT layihəsi məlumat yayıb.
Məlumata görə, partlayış nəticəsində sınağın keçirildiyi Plesetsk kosmodromu məhv olub.
Qeyd edək ki, bu, “Sarmat”ın dördüncü uğursuz sınağıdır.
Xatırladaq ki, 2023-cü ildə Rusiya Prezidenti Vladimir Putin 10-dan çox nüvə başlığı daşıya bilən yeni “Sarmat” qitələrarası raketlərinin tezliklə döyüş növbətçiliyinə yerləşdiriləcəyi ilə hədələmişdi. Onların uçuş məsafəsi 18 min kilometrdir.
“Roskosmos”un o vaxtkı rəhbəri Dmitri Roqozin isə hələ 2022-ci ildə Rusiyanın “dünyanın ən güclüsü” adlandırdığı “Sarmat” raketinin kütləvi istehsalına başlamaq və yeni sınaqlar keçirmək planlarını açıqlamışdı.
