Vaşinqton Gürcüstanın Baş naziri İrakli Kobaxidzenin rəhbərliyində nümayəndə heyətinin bu gün Nyu-Yorkda keçiriləcək ənənəvi qəbula dəvətini geri götürüb.

Senzor.az yerli KİV-ə istinadən bildirir ki, bu barədə Ağ Evin milli təhlükəsizlik üzrə müşaviri Ceyk Sallivan məlumat verib. 

O qeyd edib ki, Kobaxidzenin Prezident Co Baydenin rəsmi qəbulunda iştirakından, o cümlədən nümayəndə heyəti ilə bütün gözlənilən görüşlərdən imtina olunub.

Sallivanın sözlərinə görə, bu qərar Gürcüstanın "demokratiyaya zidd bəyanatları" ilə əlaqədardır.

Xatırladaq ki, İrakli Kobaxidze mayda mübahisəli "xarici agentlər" qanun layihəsini geri götürməklə bağlı Vaşinqtonun tələbi fonunda ABŞ-a səfərdən imtina etmişdi.