ABŞ prezidentliyinə namizəd Donald Tramp ölkəsini təhdid etdiyinə görə İran şəhərlərini dağıtmaqla hədələyib.
Bu barədə vedomosti.ru məlumat yayıb.
"Əgər mən prezident olsam, ABŞ-ı təhdid edən ölkələrə, indiki halda İrana demək istəyirəm ki, biz sizin ən böyük şəhərlərinizi və ölkənin özünü xarabalığa çevirəcəyik", - deyə Tramp tərəfdarları qarşısında çıxışı zamanı bəyan edib.
Sentyabrın 25-də respublikaçı özünün "Truth Social" sosial şəbəkəsində bildirib ki, İran onun həyatı üçün təhlükə yaradır. ABŞ prezidentliyinə namizəd, həmçinin yazıb ki, o, indi əvvəlkilərdən daha çox insan və silahla əhatə olunub.
