İsrail ordusu İordan çayının Qərb sahilində yerləşən Cenin şəhərini ələ keçirib.

Bu barədə Fələstinin WAFA xəbər agentliyi xəbər yayıb.

"İsrail işğal qüvvələri bazar ertəsi səhər tezdən Cenin şəhərinə hücum edərək onu ələ keçirib", - deyə agentlikdən bildirilib.

Qeyd olunub ki, hərbçilər hərbi texnika və buldozerlərin müşayiəti ilə şəhərin şərq hissəsinə, Halima əl-Saadiya və Bayader məhəllələrinə hücum ediblər.