İsrailin Baş naziri Benyamin Netanyahu Qeysəriyyə şəhəri yaxınlığında PUA hücumu zamanı “İranın agentləri”nin onu və həyat yoldaşını öldürməyə cəhd etdiyini bildirib.
Senzor.az bildirir ki, hökümət başçısı bu barədə “X” hesabında yazıb.
“Bu gün məni və həyat yoldaşımı öldürməyə çalışan İran agentləri çox böyük səhv etdilər. Bu, məni və İsrail dövlətini düşmənlərimizə qarşı müharibəni davam etdirməkdən çəkindirməyəcək”, - Netanyahu qeyd edib.
**11:45
İsrailin Baş naziri Benyamin Netanyahunun evinə PUA-dron hücumu olub.
Senzor.az yerli KİV-ə istinadən bildirir ki, bu barədə Baş nazirin ofisi məlumat yayıb.
Məlumatda bildirilir ki, Baş nazirin Qeysəriyyədəki şəxsi iqamətgahı bu səhər Livandan buraxılan pilotsuz uçuş aparatının hücumuna məruz qalıb.
Hücum zamanı Baş nazir Benyamin Netanyahu və həyat yoldaşı evdə olmayıblar.
Xəsarət alan yoxdur.
