"Tehran Təl-Əvivin İran ərazisinə hücum edəcəyi təqdirdə cavab zərbəsi endirmək üçün İsraildəki hədəfləri artıq müəyyən edib".
"Press TV" kanalı xəbər verir ki, bunu İranın xarici işlər naziri Abbas Ərakçı deyib.
"İrana hər hansı hücum “qırmızı xətti” keçməkdir", - Ərakçı bildirib.
Nazir əlavə edib ki, İran nüvə obyektlərinə hər hansı hücuma və ya buna bənzər basqınlara lazımi cavab verəcək.
Bundan əlavə, Ərakçı Vaşinqtona xəbərdarlıq edib ki, ABŞ Körfəz ölkələrini bürüyə biləcək böyük bir münaqişəyə cəlb oluna bilər.
Xatırladaq ki, daha əvvəl İsrailin Baş naziri Benyamin Netanyahu İsrailin İrana zərbə endirməyə hazırlığının müzakirə oluna biləcəyi toplantı üçün Təhlükəsizlik Kabinetini toplayacağını bildirmişdi.
