"Hizbullah" hərəkatının yeni lideri Haşem Safiuddin İsrail hərbçiləri tərəfindən öldürülüb.
Senzor.az bildirir ki, bu barədə “Reuters” məlumat yayıb.
Qeyd edilib ki, hərəkatın sentyabrın 27-də öldürülən sabiq lideri Həsən Nəsrullahın varisi zərərsizləşdirilib.
"Al Hadath" telekanalı isə Livanın Mülki Müdafiə Xidmətinin rəsmilərinə istinadən Beyrutun kənarındakı El-Mreyji rayonunda dağıntılar təmizlənərkən Haşim Safiuddinin meyitinin aşkar edildiyini bildirib.
Qeyd olunub ki, Safiuddin oktyabrın 3-də El-Mreyji rayounda bunkerə endirilən zərbə zamanı öldürülüb. Xilasedicilər dağıntıları təmizləyərkən Safiuddinin rəhbərlik etdiyi toplantıda iştirak etmiş “Hizbullah”ın 23 üzvünün meyitini dağıntılar altından çıxarıblar.
Xatırladaq ki, Haşem Safiuddin sentyabrın 30-da “Hizbullah”ın yeni baş katibi seçilmişdi. O, Həsən Nəsrullahın ən yaxın qohumu idi. Əvvəllər “Hizbullah”ın İcra Şurasına başçılıq edib, hərəkatda ikinci fiqur sayılıb...
