Türkiyənin Milli Kəşfiyyat Təşkilatı (MİT) PKK/KCK terror təşkilatının Suriyadakı “rəhbərlərindən” biri olan Serhat Özmeni xaricdə yaxalayaraq ölkəyə gətirib.
Senzor.az bildirir ki, bu barədə Türkiyə KİV-i məlumat yayıb.
“MİT "Yılmaz" kod adlı Serhat Özmenin xaricdəki yerini müəyyən edib. Daha sonra təşkilat tərəfindən həyata keçirilən əməliyyat nəticəsində tutularaq Türkiyəyə gətirilib”, - məlumatda bildirilir.
Məlumata görə, 2014-cü ildə terror təşkilatına qoşulan S.Özmenin müxtəlif bölgələrdə silahlı fəaliyyətlərdə iştirak etdiyi müəyyən olunub.
Qeyd edilib ki, o, Suriyadakı fəaliyyətindən sonra 2023-cü ilin əvvəlindən İraqdakı PKK/KCK strukturlarında fəaliyyət göstərib.
