ABŞ və Qərb öz qaydalarını dünyanın qalan hissəsinə tətbiq etməyə çalışırlar.
Senzor.az yerli KİV-ə istinadən bildirir ki, bunu Rusiya Prezidenti Vladimir Putin Müdafiə Nazirliyinin kollegiya iclasındakı çıxışı zamanı deyib.
Onun sözlərinə görə, ABŞ Ukraynanı silah və pulla təmin etməkdə davam edir: “ABŞ üçün heç bir qayda yoxdur, onlar Rusiyaya qarşı hibrid müharibələr aparırlar. ABŞ-ın hazırkı administrasiyası və kollektiv Qərb hökmranlığı saxlamaq cəhdlərindən əl çəkmirlər. Qərb Rusiyanı qırmızı xəttə doğru itələyir, Rusiya buna cavab verməyə bilməz”.
Rusiya lideri onu da vurğulayıb ki, NATO onun ölkəsinin sərhədləri yaxınlığında zərbə qruplaşmaları formalaşdırır: "NATO ölkələri hərbi xərcləri artırır. Rusiya sərhədləri yaxınlığında Alyansın qoşunlarının zərbə qruplaşmaları formalaşdırılır və toplanılır. Avropadakı ABŞ hərbçilərinin sayı artıq 100 mini ötüb".
