Almaniyanın Maqdeburq şəhərində (Saksoniya-Anhalt federal əyaləti) qanunsuz miqrantların deportasiyası tələbi ilə yüzlərlə insanın iştirak etdiyi nümayiş keçirilib.
Senzor.az yerli KİV-ə istinadən bildirir ki, nümayişə səbəb Milad yarmarkasında törədilən terror aktı olub.
İştirakçılar “Remiqrasiya”, “Öz xalqına qarşı siyasətə son” yazılan pankartlar qaldırıb, "Elə indi deportasiya!” tipli şüarlar səsləndiriblər.
Mitinqdə Almaniyada tanınmış sağ radikallar iştirak ediblər.
Qeyd edək ki, Milad yarmarkasında insanların üzərinə maşın sürən və 5 nəfərin ölümünə, 205 nəfərin yaralanmasına səbəb olan şəxs Səudiyyə Ərəbistanındandır və 2006-cı ildə oturum izni alıb.
