Dekabrın 22-də Kremldə Rusiya Prezidenti Vladimir Putin və Slovakiyanın Baş naziri Robert Fitso arasında görüş olub.
Senzor.az bildirir ki, bu barədə Rusiya Prezidentinin mətbuat katibi Dmitri Peskov məlumat verib.
Onun sözlərinə görə, Rusiya Federasiyasının Prezidenti ilə Slovakiyanın Baş naziri arasında aparılan danışıqlardan sonra media üçün birgə bəyanatın verilməsi nəzərdə tutulmayıb.
Slovakiyanın Baş naziri Robert Fitso isə jurnalistlərə açıqlamasında bildirib ki, Moskvaya səfəri Ukrayna Prezidenti Volodimir Zelenskinin Ukrayna üzərindən qaz tranzitinin dayandırılması ilə bağlı sözlərinə reaksiyadır: “Bugünkü görüşüm Volodimir Zelenskinin sözlərinə reaksiya idi. Zelenski cümə axşamı sualıma cavab verdi ki, o, Ukraynadan bizim ərazimizə qaz tranziti ilə bağlı istənilən variantın əleyhinədir”.
